Transcription
1
Monsieur, se presentant ceste commodité par ce porteur,
2
jay advisé vous dire que jay receu une depesche du
3
roy, de laquelle je masseure debvrez avoir eu la
4
pareille, touchant lentreprise que sa majesté desire estre
5
faicte sur Le Pousin, à laquelle vous pouvez vous
6
asseurer que tout ce que je pourray et de moy
7
et des moyens qui seront icy ny seront en
8
rien espargnez. Il ny a poinct de canons comme
9
vous scavez quilz ont esté envoiez à monsieur le
10
mareschal Dampville, mais bien ya quelzques
11
couleuvrines et balles dicelles avec environ [blanc]
12
milliers de pouldres. Je seray bien aise dentendre
13
votre bon advis en ce faict et la response que
14
vous en ferez à sa majesté afin que j’en face de
15
mesmes, bien fauldroit il faisant ladite
16
entreprise que mondit sieur le mareschal se meist
17
le plus fort en campaigne pour empescher
18
secours du Languedoc et des Sevennes
19
comme vous scavez trop mieulx et les moiens
20
que vous avez. Suppliant en cest endroit le Createur
21
quil vous doinct, après mes humbles recommandations
22
à votre bonne grace,
23
Monsieur, en parfaicte santé tres heureuse vye. De
24
Lyon, ce XXe febvrier 1574.
25
Monsieur, je vous puis asurer que je nay point veu monsieur
26
de Maugiron et aimerois mieulx mestre denoué ung
27
pié que de lestre alé voir car j’estime trop peu ceulx quy
28
sestime plus qui ne doive[n]t. Je vous repondrè de Decombes
29
plus au long.
30
Vostre plus afeccionné à faire servise
31
Mandelot.